loader image

Sector lácteo galego: poden as algas revolucionar a gandaría?

01/05/2025 | Novidades

O sector de produción de leite de Galicia é consciente de que a gandaría é unhas das principais fontes de emisións de gases de efecto invernadoiro. En particular, a fermentación entérica dos ruminantes xera grandes cantidades de metano (CH₄), un gas cun potencial de quecemento global moito maior ca o dióxido de carbono. Ante a crecente preocupación polo cambio climático, a industria agrogandeira procura solucións innovadoras para reducir a pegada ambiental sen comprometer a productividade. Aquí é onde as algas mariñas poderían xogar un papel clave.

Que son os aditivos antimetanoxénicos?

Os aditivos antimetanoxénicos son substancias que, ao incorporarse á alimentación dos ruminantes como as vacas, poden reducir a produción de metano durante a dixestión. Estos compostos poden actuar inhibindo os microorganismos metanoxénicos presentes no rumen ou modificando a fermentación dos alimentos de xeito que se xere menos metano.
L
Neste contexto, as algas emerxeron como unha alternativa natural e efectiva. Algunhas especies de macroalgas demostraron unha notable capacidade para diminuír a emisión de metano no gando bovino e ovino. Isto débese á presencia de compostos bioactivos que interfiren coa metanoxénese sen afectar negativamente á dixestión dos animais.

A inclusión de algas na alimentación do gando productor de leite galego non só axudaría a reducir as emisión de metano, senón que tamén melloraría a eficiencia dixestiva e a saúde dos animais. Por outra banda, aproveitar os recursos mariños dispoñibles en Galicia fomentaría a economía circular e o desenvolvemento de novas oportunidades na acuicultura.

Lazteo, o proxecto de innovación láctea en Galicia

A innovación no sector agrogandeiro galego é clave para facer fronte aos desafíos ambientais do século XXI. En Galicia, unha das rexións con maior tradición láctea de Europa, estánse explorando solución sostibles para facer que o sector sexa máis eficiente e respectuoso co medio ambiente. Un exemplo destacado é o proxecto Lazteo, que busca reducir a pegada ambiental na industria láctea nun 10% para 2030.

Entre os participantes deste proxecto atópase Porto-Muiños S.L., empresa galega especializada na produción e comercialización de algas e que tamén é pioneira na investigación destas plantas mariñas. O seu papel en Lazteo consiste en estudar e desenvolver estratexias para integrar algas antimetanoxénicas na alimentación do gando, contribuíndo á sostibilidade do sector.

L

Así, Porto-Muiños S.L., en colaboración coa Universidade de Santiago de Compostela (USC), avanza na creación de aditivos alimentarios basados en algas, tales como a Asparagopsis armata, para intentar reducir ata un 30% as emisións de metano entérico na gando vacún. A través da extracción de fraccións ricas en compostos haloxenados, como o bromoformo, capaces de inhibir a actividade enzimática das arqueas metanoxénicas no rume bloqueando a síntesis de CH₄ sen afectar á dixestión. Alén diso, os demais compostos da alga poderían aportar beneficios nutricionais ao animal, que se estudarán no marco do proxecto Lazteo.

É fundamental continuar coas investigacións, para comprender mellor os mecanismos de acción destes compostos e coñecer tanto os aspectos positivos como negativos destas algas, que poderían mudar o paradigma ambiental do sector lácteo en Galicia para mellor.

Proxectos como Lazteo demostran que o mar e o monte poden unir forzas para ofrecer solución sostibles e eficientes. Co apoio da ciencia e a tecnoloxía, as algas poderían convertirse nun aliado inesperado na loita contra o cambio climático e a mellora da produción agrogandeira de Galicia.